 |
| ريهام أيمن |
ردت الفنانة ريهام أيمن، زوجة الفنان شريف رمزي، على الانتقادات التي تتلقاها من جمهورها عبر صفحاتها على مواقع التواصل الاجتماعي؛ بسبب عدم نشر صور لوجه نجلها رمزي، والاكتفاء بنشر صورته من الخلف.
ريهام أيمن، قالت عبر صفحتها الشخصية بموقع "إنستجرام": "هو أنا بطلب أشوف ولاد أي حد فيكو أو ولاد أي مشاهير حتى أكيد لأ عشان مش من حقي، لما تحب فنان أنت بتحبه هو لفنه وأعماله اللي بتشوفها ولما تحب تشوف صور هتبقى ليه هو مش لولاده، أنا ابني مش فنان ولا مشهور عشان تحبوا تشوفوا صور ليه على صفحتي أنا.. لما يكبر وهو يأخد قرار إنه عايز يبقي مشهور هتشوفوا صور ليه على صفحته الشخصية إن شاء الله، لكن أنا مبخفش من الحسد ومفيش حد هيحسد فنان بيحبه، بالعكس هيفرحله ويتمناله الخير هو وولاده وده اللي أنا متأكده منه".
وأضافت: "ياريت وإنت بتكتب تعليق لأي فنان حط نفسك مكانه الأول، هتلاقي إن أنت نفسك متقبلش حد يقولك تعمل إيه ومتعملش إيه في حياتك الشخصية بمعنى أدق غير الفنية، وإن ده الأكاونت بتاعك أنت تنزل اللي أنت عاوزه طالما مش بتضر حد واللي مش عجبه حاجة أو مستفز من شيء بسيطة بس يعمل unfollow أسهل من إنه يكتب تعليق، ربنا يخليلكوا ولادكو اللي أكيد كلهم حلوين أوي ويحفظهم لكم دايمًا من كل شر، ويشفي كل الأطفال المرضى، ويعين أهاليهم أمين يا رب.. مع حبي واحترامي للجميع".
ليست هناك تعليقات:
إرسال تعليق